ILOILO CITY- Gindeklarar sang Malakanyang ang Marso 16, 2023 bilang special non-working day sa probinsya sang Negros Oriental agud hatagan ligwa ang komunidad sa pagkasubo kag pasidunggan ang ginpatay nga si Governor Roel Degamo.
Nasaad sa Proclamation No. 185 nga ginpirmahan ni Executive Secretary Lucas Bersamin nga nagaka-angay lamang nga hatagan ang mga pumuluyo sang Negros Oriental sang kahigayunan nga maghatag sang respeto kag mag-upod sa lubong ni Degamo.
Una na nga nagbisita si Presidente Ferdinand “Bongbong” Marcos Jr. sa haya ni Degamo kag nagpasalig nga indi mag-untat ang gobyerno tubtub indi mahatagan sang hustisya ang tanan nga mga biktima.
Naghatag man sang commitment si Marcos nga hatagan sang scholarship ang mga kabataan sang mga napatay kag abagahon ang medical expenses sang mga napilasan.
