Tuesday, January 31, 2023

Mandatory ROTC Bill, igapasar sa una nga quarter sang 2023 suno kay Senador Bato Dela Rosa

- Advertisement -

ILOILO CITY- Kumpiyansa si Senador Ronald “Bato” Dela Rosa nga mapasar sa una nga quarter sang 2023 ang hagna para mangin mandatory ang Reserve Officer Training Corps ukon ROTC bangud isa ini sa priority bill sang Administrasyon.

Suno kay Dela Rosa nga mahimo indi mapasar ang hagna subong nga tuig bangud maga-adjourn ang session sang kongreso sa Disyembre 17.

Sa hearing, nagpresentar ang Commission on Higher Education ukon CHED sang “concensus bill” nga maga-institutionalize  sang two-year mandatory National Service Trainig Program (NSTP) kag four-year optional ROTC Curriculum para sa mga higher education students.

- Advertisement -

Ginhatagan pagtamod ni Senador Win Gatchalian nga ang proposed bill sang Executive Branch  nagasentro sa civic duty kasubong sang disaster preparedness kag indi military training para sa mga estudyante.

Ginpahayag naman ni Dela Rosa nga isa sa nalakip nga isyu sa hagna amo ang pag-imbolbar sang Commission nga maga-monitor kag magauyat sa ROTC program

Dugang pa, ginpahayag sang Senador nga ang ginaduso nga ROTC program ang indi mag-exempt sa anuman nga gender ukon relihiyon.

- Advertisement -

Suno kay Dela Rosa nga indi makumpleto sang isa ka estudyante ang iya undergraduate degree kon indi makaagi sa military training.

Madumduman nga gindula ang mandatory ROTC program sang 2022 kasunod sang pagpasar sang RA 9163, ang hagna  nga nag-establisar sang NSTP.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles