Gin-kwestyon sang mga mangunguma sang sibuyas ang pag-import sang 21,060 metric tons sang nasambit nga sibuyas samtang nagahilapit na ang ila harvest season.
Nahibaluan nga padayon nga nagasaka ang presyo sang sibuyas sa Pilipinas sa diin sa syudad sang Iloilo nagadangat sa ₱400 tubtob ₱600 ang kada kilo.
Suno kay Eric Alvarez, board of director sang producer’s cooperative sa Nueva Ecija, ang importasyon ang makatuga sang kapierdehan sang mga local farmers.
Kun madumduman, ginpahayag sang Department of Agriculture (DA) nga sa Enero 27 magaabot ang imported.
Apang suno kay Alvarez, kun sa Enero 27 maabot ang imported nga sibuyas, igabaligya ini sa merkado sa Pebrero nga bulan naman sang tig-alani rason nga maapektohan ang presyo sang lokal nga produkto.
Gindugang pa ni Alvarez nga ang mga importers lang ang makabenepisyo sa importasyon sang sibuyas.
