ILOILO CITY- Gin-ako ni Pinoy boxing icon Manny Pacquiao nga may plano pa siya nga magbalik sa politika matapos napaslawan sang nakaligad nga presidential elections sini nga tuig.
Ginhimo ni Pacquiao ang matapos ginpamangkot sa pag-guest niya sa South Korean variety show nga “Knowing Bros” .
Sa nasambit nga show ginsaysay ni Pacquiao ang iya experiensya sa pagpadalagan sa pinakamataas nga puwesto sa Pilipinas.
Kasunod sini, ginpamangkot siya sang Host kag comedian nga si Kim Yongchul kon may plano pa siya nga magdalagan liwat kon sa diin ginsabat ini ni Paquiao nga yara sa gihapon ang plano bangud nagapabilin pa ang iya passion nga makabulig sa tawo.
Magluwas sa politika, nahambalan man sa show ang natuhoy bsa singing career ni Pacquiao kag ang mga nakaligad niya nga mga away sa boksing.
Gin-updan si Pacquiao sa progrfama ni K-pop Superstar kag anay Philippine actress nga si Sandara Park nga nagserbe niya nga interpreter sa bug-os nga episode sang programa.
