Manubo nga produksyon, kabangdanan sang mataas nga presyo sang ITLOG

ILOILO CITY- Manubo nga produksyon sang itlog ang kabangdanan sang pagtaas sang presyo sini sa merkado suno sa isa ka grupo sang mga egg producers sa pungsod.

Ginpahayag ni Gregorio San Diego sang Philippine Egg Board Association, yara sa P6.70 tubtub P7.20 ang farm gate price sang itlog.

Suno sa iya nga madamo man nga manok ang nagkalamatay bangud sa bird flu nga nangin kabangdanan man sang pagnubo sang produksyon sang itlog magluwas pa nga nagtaas man ang presyo sang bubod.

Dugang pa ni san Diego nga madamo ang napierde ilabi na ang mga small and medium producers kabangdanan nag-untat sila kag nangin rason sang pagnubo sang produksyon kag pagtaas sang presyo sang itlog.