ILOILO CITY — Hingyuon ni Presidente Ferdinand “Bongbong” Marcos Jr. ang International Criminal Police Organizatio (Interpol) nga mag-issue sang blue notice batok sa mga suspek sa pagpatay kay Negros Oriental Governor Roel Degamo.
Kun may blue notice, magatipon sang impormasyon ang miyembro sang Interpol angot sa identity sang isa ka tawo, lokasyon, kag aktibidad sini.
Madumduman nga sang Sabado, ginpahayag sang Department of Justice nga maga-issue sila sang international lookout bulletin kay Negros Oriental Representative Arnolfo “Arnie” Teves Jr. sa masunod nga semana.
Nahibaluan nga una na gintumod nanday Joric Labrador kag Benjie Rodriguez, lunsay mga anay suldado kag mga suspek sa pagpatay kay Degamo, si a certain “Cong Teves” bilang mastermind sa pagpang-atake sa opisyal.
Apang, ginpanginwala naman ni Teves nga may kahilabtanan sila sang iya utod nga si Henry sa pagpatay kay Degamo apisar sang mga alegasyon nga ang amu nga insidente ang politically motivated.
