Marcos, magapabilin bilang agriculture secretary kag magabiya lamang kon ma-plastar na sang maayo ang ahensya

ILOILO CITY- Ginpangapinan ni Presidente Ferdinand “Bongbong” Marcos Jr. ang iya desisyon nga magpabilin bilang tiglikom sang Department of Agriculture.

Suno kay Marcos Jr. nga magapanaug lamanag siya sa tion nga matigayon na ang “structural changes” sa ahensya.

Ginpahayag sang presidente nga indi mahapos ang pagbalik ukon paghimo sang masulhay nga Sistema kabangdanan kinahanglanon pa niya nga magpabilin bilang DA secretary.

Pila ka mga grupo kag mga netizens ang nagaduso kay Marcos nga mag-appoint na sang full time nga DA chief bangud nagsampaw-sampaw na ang mga isyu natuhoy sa sektor sang agrikultura sa una nga inadlaw sang iya administrasyon.