Friday, October 7, 2022

Marcos, talakayon ang economic recovery kag food security sa UN general assembly

- Advertisement -

ILOILO CITY — Ginpahayag ni President Ferdinand “Bongbong” Marcos Jr. nga talakayon niya ang goal sang administrasyon para sa economic recovery, food security, kag agricultural productivity sa 77th session sang United Nations General Assembly (UNGA).

Sa iya nga departure speech antes siya magpadulong sa New York, ginkumpirmar sini nga maga-deliver siya sang national statement sa Setyembre 20, kun sa diin ginalauman nga patpaton niya ang mga ginalauman sang Pilipinas nagikan sa UN kag ang papel kag kontribusyon sang pungsod sa pagpasangkad sang international relations.

Suno pa sa presidente nga magatambong man siya sang pila ka mga bilateral meetings, business engagements, kag makigkita sa Filipino community kadungan sang iya nga trip sa Estados Unidos.

- Advertisement -

Makigsapol man ini kay UN Secretary-General António Guterres  kag sa pila pa ka mga lider sang madugay na kag importante nga partners sang Pilipinas, agud hambalan ang pila ka mga oportunidad nga mas makapabaskog pa sa food security, agriculture, renewable energy, kag climate change.

Ginapahayag nga kapin 152 ka mga heads of states kag officials ang ginalauman nga magatambong sa general debate.

Suno kay Foreign Affairs Assistant Secretary Kira Christianne Danganan-Azucena, importante ang nasambity nga US trip ni Marcos bangud ini ang una nga engagement niya sa UN.

- Advertisement -

Ginalauman man nga magapakigbahin si Marcos sa pila ka mga roundtables kaupod ang pila ka mga target sectors nga ginalakipan sang US companies, US Chamber of Commerce, US-ASEAN Business Council, kag US-Philippines Society.

Natalana naman nga magabalik sa Pilipinas si Marcos sa Setyembre 24.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles