MARINA, ginakonsiderar nga i-ground ang iban pa nga barko sang kumpaniya nga responsable sa Oil spill sa Mindoro

ILOILO CITY- Ginakonsiderar sang Maritime Industry Authority (MARINA) nga i-ground ang iban nga barko sang kumpaniya nga tag-iya sang naglugdang nga motor tanker nga nagtuga sang malapnagon nga oil spill sa Oriental Mindoro.

Suno kay MARINA legal service director Sharon Aledo nga ang  RDC Reield Marine Services nga tag-iya sang MT Princess Empress ang may duha pa ka mga barko.

Natukiban sang mga senador sang damlag lang nga indi otorisado nga mag-operate sa domestic trade ang tanker, apang naka-layag pa ini sang 9 ka beses antes ini naglugdang sang Pebrero 28.

Naguwa man sa panibag-o nga findings nga ang Princess Empress ang indi brand new baliskad sa una nga claim sang tag-iya kundi gin-kay-o lamang nga scrap nga barko.