Monday, December 5, 2022

Masobra ₱2 million nga balor sang ayuda, ginhatag sa mga lugar nga ginhalitan ni Bagyo Karding

- Advertisement -

Ginhatagan sang masobra ₱2 ka million nga balor sang ayuda sa mga lugar nga ginhalitan ni Bagyo Karding suno sa Department of Social Welfare and Development (DSWD).

Suno kay DSWD Spokesperson Romel Lopez, ang ₱1.7 million nga pondo ang gikan sa ahensya samtang ₱ 876,000 naman ang gikan sa mga local government units kag iban pa nga partners sini.

Ginpaathag man ni Lopez nga ginpain sang ahensya ang ₱1.1 billion nga pondo para sa disaster response agud nga mabuligan ang mga nabiktima sang Bagyo Karding.

- Advertisement -

Nagapatigayon ang ahensya sang relief and assistance efforts sa Ilocos Region, Cagayan Valley, Central Luzon, Calabarzon, Mimaropa, Bicol Region, National Capital Region (NCR) kag Cordillera Administrative Region (CAR) kag kapin 249,000 naman sang family food packs ang ginpanagtag.

Sa mga pamilya man nga nagkalaguba ang ila panimalay, ginhatagan sang ₱5,000 tubtob ₱10,000 nga cash assistance sa idalum sang Assistance to Individuals in Crisis Situations (AICS) program sang ahensya.

Base sa report sang National Disaster Risk Reduction and Management Council (NDRRMC), tatlo ka balay ang na damaged sa diin duha diri ang partially damage sa Ilocos kag isa nga totally damage sa Cordillera.

- Advertisement -

May kabug-usan naman nga 60,817 ka persona ukon 16,476 ka pamilya ang naapektuhan sang bagyo sa 948 ka mga barangay sa Ilocos Region, Cagayan, Central Luzon, Calabarzon, Mimaropa, Bicol kag Cordillera Administrative Region.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles