ILOILO CITY- Masobra 1,000 ka mga ngalan sang persons deprived of liberty ukon PDL’s ang napasa na sa Office of the Executive Secretary lakip na ang mga ginrekomendar sang Setyembre 2022 para hatagan sang executive clemency suno sa Department of Justice.
Ginpahayag ni Justice spokesperson Mico Clavano nga ila na gin-follow up ang request kay Executive Secretary Lucas Bersamin
Una diri, ginmandu ni President Ferdinand Marcos Jr.sa DOJ nga padayunon ang papaguwa sa mga PDL’s nga kuwalipikado nga mahatagan sang parole agud maghalog ang correctional facilities sa pungsod.
Samtang ginpahayag ni Clavano nga 500 ka mga PDL’s ang natalana nga hilwayon sa Enero 23 sa New Bilibid prison kon sa diin naglab-ot na tanan sa kapin 4 mil ang napaguwa nga mga PDL’ s.
