Masobra 180 nga kaso sang covid-19, narekord sa Pilipinas

188 ka panibag-o nga kaso sang CoVid-19 ang narekord sang Department of Health sa pungsod Pilipinas.

Base sa data, nalab-ot na sa 3,620,369 ang total recoveries kag 60,410 naman ang total deaths.

Samtang, humalin sang nag-umpisa ang pandemya, nagdangat na sa 3,686,082 ang kabug-usan nga kaso sang CoVid-19 sa Pilipinas sa diin may 5,303 pa nga nabilin nga aktibo nga kaso.