Ginapahayag sang National Disaster Risk Reduction and Management Council (NDRRMC) nga masobra 45,000 ka mga indibidwal ang naapektuhan sang Tropical Storm Agaton.
Sa pinaka ulihi nga report, nagpahayag ang ahensya nga 4 ka rehiyon sang Visayas kag Mindanao ang naapektuhan sang bagyo lakip na ang Region 10 (Northern Mindanao), Region 11 (Davao Region), CARAGA kag Bangsamoro Autonomous Region in Muslim Mindanao (BARMM).
Masobra 23, 000 ka mga pamilya man ang naapektuhan bangud sa bagyo ang madamo sa ila ang yara sa sagwa sang evacuation centers.
2 naman ka indibidwal ang nakumpirma nga napilisan sa Region 10.
Masobra ka 44 naman ka puluy-an ang naguba sa may Northern Mindanao.
Masobra P874 mil nga balor sang 230 ka hektarya sang pananum sa BARMM ang naapektuhan sang nasambit nga bagyo.
Naguba man ang 49 ka mga dalano kay taytay sa may Davao De Oro, Misamis Oriental, Surigao del Sur kag Agusan del Sur.
Nagpaidalum man sa state of calamity ang banwa sang Trento, Agusan del Sur.
Gindeklara man ang province-wide class suspension sa tana nga level sa may Agusan del Sur kag 5 naman ka area sa Eastern Samar kag Bukidnon.
Mahibaluan nga ang bagyo yara karun sa coastal waters sang Balangiga, Eastern Samar as of 1:00 sini nga hapon kay may kadasig nga 75 kilometers tubtob 105 per hour.
Samtang, mahimo man nga maga interact si Agaton sa kay “Malakas,” nga yara subong sa Philippine Area of Responsibility (PAR).
