Masobra 52,000 ka outbound passengers, narekord sang Philippine Coast Guard sa nagkalain-lain nga ports sa Pilipinas

Naglab-ot sa 52,088 ka outbound passengers kag 40,974 ka inbound passengers ang narekord sang Philippine Coast Guard (PCG) sa nagkalain-lain nga ports sa pungsod Pilipinas.

Nag-deploy man sang 1,953 ka frontline personnel gikan sa 15 ka PCG Districts sa diin 479 ka vessels kag 718 ka motorbancas ang ila gin-tsekyar.

Nahibaluan nga naka-heightened alert ang PCG agud masiguro ang seguridad sang mga biyahero sa subong nga Yuletide Season.