ILOILO CITY- Ginpahayag sang Department of Budget and Management (DBM) nga nagpain ang Marcos Administration sang P17.689 Billion para sa Tourism Road Infrastructure Program (TRIP) sa idalum sang 2023 General Appropriations Act ukon GAA.
Suno sa DBM nga ang budget para sa TRIP subong nga tuig ang mas mataas sang P602 million ikumparar sa P17.087 billion nga ginpain para sa programa sang 2022.
Suno sa DBM ang pagagamiton sa pagtukod, pagkay-o, kag pag-develop sang mga dalan kag taytay nga naga-angut sa mga lugar nga gindeklarar nga tourist destinations.
Sa idalum sang 2023 GAA, ang P17.689 Billion ang pagapahat-pahaton sa tourism infrastructure projects sa Region 1, Cordillera Administrative Region, Cagayan Valley, Central Luzon, Calabarzon, Mimaropa, Bicol Region, Western Visayas, Central Visayas, Eastern Visayas, Zamboanga peninsula, Northern Mindanao, Davaao, Soccsksargen, kag Caraga region.
