ILOILO CITY- Masobra P300 Million ang nadula sa kaban sang gobyerno bangud sa nagadoble nga mga ngalan sang mga benepisyaryo kag wala nagasantu nga listahan sang 4 P’s ukon Pantawid Pamilyang Pilipino Program sang Department of Social Welfare and Development ukon DSWD
Base sa report sang Commission on Audit ukon COA, nagalab-ot sa P335 Million pesos ang nadula sa gobyerno bangud sa duplicates sang ngalan sang mga benepisyaryo kag wala nagasantu nga listahan kabangdanan ginrekomedar sini ang pagtinlo sa mga ngalan sa database kag kakason ang mga nagadoble nga entry sang mga ngalan.
Sa pag-analisar sa data, ginpahayag sang COA nga sa natumod nga kabug-usan nga 20,221 nga ginapatihan nag-doble nga ngalan, kapin sa 15,202 nga ginapaidalum sa berepikasyon ang nakabaton gihapon sang ayuda ukon cash grants nga naglab-ot sa P1.05 Billion sa baylo nga dapat ginsuspender anay ang paghatag sa ila.
