Wala sang kamatuoran ang impormasyon nga may matabo nga “mass resignation” sa Armed Forces of the Philippines kag Department of National Defense (DND).
Ini ang ginpahayag ni AFP spokesperson Col. Medel Aguilar kasunod sa naglapta nga destabilization plot sang ila hanay.
Suno kay Aguilar, normal ang sitwasyon sa Camp Aguinaldo.
Gin-athag man sini nga ang mga chopper, Armored personnel carrier nga nakit-an sang publiko sa headquarters ang kadungan sa seremonya sang change of command sang AFP sa diin liwat nga nagpungko si General Andres Centino bilang AFP Chief of Staff baylo kay General Vicente Bacarro.
Samtang, madamo naman ang natingala kun ngaa gin-islan na si Bacarro bangud sya ang pinaka-una nga Chief of Staff nga maka-avail sang fix nga tatlo ka tuig nga termino sa serbisyo.
Nahibaluan man nga madamo ang nag-pabutyag sang ila disappointment sa Marcos administration bangud sa mando nga courtesy resignation sa mga full fledged Generals kag Colonels sang PNP.
