Matugnaw nga tyempo, lauman tubtob sa bulan sang Enero sa masunod nga tuig suno sa PAGASA

Lauman tubtob sa bulan sang Enero sa masunod nga tuig ang matugnaw nga tyempo sa pungsod Pilipinas bangud sa padayon nga pagnubo sang temperature tuga sang Northeast Monsoon ukon Amihan, suno sa Philippine Atmospheric, Geophysical and Astronomical Services Administration (PAGASA).

Base naman sa monitoring sang PAGASA, ang coldest temperature sa subong nga tuig 2022 ang narekord sa La Trinidad, Benguet sa diin naglab-ot ini sa 7.7 degrees Celsius.

Ginpahayag man sang state weather bureau nga ang Amihan ang magadala man sang magal-umon nga kalangitan nga may pag-ulan sa Cagayan Valley, Cordillera Administrative Region, Aurora, Quezon, Oriental Mindoro, kag Bicol.