Thursday, December 8, 2022

MENRO officer sang isa ka banwa sa Zamboanga del Sur, ginluthang-patay sang tatlo ka mga suspek

- Advertisement -

ILOILO CITY- Ginluthang-patay sang tatlo ka mga suspek ang Municipal Environment and Natural Resources officer sang Dumingag, Zamboanga del Sur mga alas 2:30 kahapon sang hapon.

Ginpahayag sa report sang Police Regional Office 9 public information unit nga ginluthang patay si Richard Butch Cabilan, 39-anyos sa Dumingag Organic Agriculture Office sa Barangay Lower Landing, Dumingag, Zamboanga del Sur.

Suno sa mga otoridad, nagatambung sa meeting si Cabilan sang magkadto ini sa likod sang building agud sabton ang tawag sa cellphone.

- Advertisement -

Tatlo ka mga wala makilala nga suspek ang gilayon nga nagpalapit sa lugar kag ginluthang ini kag naigo sa ulo nga gintunaan sang iya gilayon nga kamatayon.

Gilayon nga nagdalagan ang mga suspek kag naglumpat sa pader kag madasig nga nagsakay sa isa ka Bajaj RE (bao-bao) kag isa ka Sky go motorcycle kag nagpalagyo padulong sa Dumingag-Midsalip road.

Narecover sa ginluntaran sang insidente ang duha basiyo sang kalibre 45.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles