ILOILO CITY- Bilang suporta sa pagpangita sang trabaho, ginaduso ni Las Piñas Congresswoman Camille Villar nga hatagan sang one-time cash aid subsidy nga P5,000 ang mga bag-o nag-graduate nga mga estudyante sa pungsod.
Nasaad sa House Bill 6542 ukon ang Fresh Graduates P5,000 One-Time Cash Grant Act ni Villar nga mahatagan sang pinansyal nga bulig ang tanan nga mga fresh graduates sa mga Philippine Tertiary Institutions, Kolehiyo, Unibersidad kag bisan sa iban pa nga mga Training Institutions.
Katuyuan sang hagna ni Villar nga mahatagan sang inisyal nga panggasto ang mga bag-o graduate nga nabudlayan sap ag-apply sang trabaho bangud wala sang nagakaigo nga kuwarta nga panggasto.
Subongman, bagud sa kamahal sang mga balaklon, mabudlay mag-budget ang mga bag-ong graduate ilabi na ang mga nagikan sa mga pigado nga pamilya.
Pananglitan nga mapabakod nga mangin kasuguan, ang tanan nga luyag mag-avail sang cash aid ang mahimo magpadulong sa natungdan nga ahensya sang gobyerno kag magpakita sang kpya sang diploma ukon anuman nga lehitimo nga pamatuod sang ila graduation nga gin-isyu sang ila ginhalinan nga educational institutions.
