Ginkumpirmar ni Department of Education Sec. Leonor Briones nga indi requirement ang pagbakuna batok sa CoVid-19 para makatambong ang kabataan sa in-person classes.
Suno sa tiglikom, indi maka-desisyon ang DepEd para sa mandatory vaccination bangud yara sa mga ginikanan ang desisyon kun luyag nila pabakunahan batok sa nasambit nga respiratory illness ang ila bata.
Ginpahayag man sini nga sa masobra 15,000 ka mga estudyante nga nagpakigbahin sa pilot phase sang in-person classes sadtong bulan sang Nobyembre tubtob Disyembre sang tuig 2021, wala naman sang report nga may nag-positibo sa CoVid-19.
Samtang, gin-athag man ni Briones nga mandatory ang vaccination para sa mga teaching kag non-teaching personnel nga naga-attend sang in-person classes.
