ILOILO CITY- Kapin sa 12,000 ka mga kontrabando ang gin-surrender sang mga inmates sang New Bilibid Prisons nga ginalakipan sang illegal nga druga, cellphones, mga armas kag ilimnon.
Kalakip man sa mga items nga ginturn-over sang mga inmates sa Bureau of Corrections amo ang laptops, gambling paraphernalias, sigarilyo kag kapin 7,500 ka lata sang beer.
Ginpahayag ni Bucor officer-in-charge Gregorio Catapang Jr. nga ang kada lata sang beer ang ginapalusot sa Maximum Security Compound sang national penitentiary sa balor nga P1,000.
Si Catapang ang gindesignar bilang officer-in-charge matapos ginsuspender si Bucor Chief Gerald Bantag agud hatagan ligwa ang imbestigasyon sa kamatayon sang inmate nga gina-alegar middleman sa pagpatay sa broadcaster nga si Percy Lapid.
