Nagdangat na sa lima ka persona ang napatay samtang 64 naman ang pilason matapos nagtay-og ang magnitude 7 nga linog sa Tayum, Abra.
Suno kay Office of the Civil Defense (OCD) Assistant Secretary Bernardo Alejandro IV, ang duha ka fatalities ang gikan sa La Trinidad kag Tuba, Benguet kag tig-isa naman ang gikan sa Balbalan, Kalinga, Bangued, Abra; kag Gattaran, Cagayan.
Ang 64 naman nga pilason, 57 ang gikan sa Cordillera Administrative Region, kag pito naman ang gikan sa Region 1.
Ginpahayag man ni Alejandro nga 61 ka mga eskwelahan ang nagkalaguba sa Region 1, 2, 3 kag CAR.
Samtang, 428 naman ka panimalay ang nagkalaguba sa diin 423 ang gikan sa CAR kag lima naman ang gikan sa Region 1.
Sa subong, ginahulat pa sang OCD ang data sang Department of Agriculture kun pila ang danyos sa halit nga ginbilin sang linog sa agrikultura.
