ILOILO CITY- Ginpabutyag ni Bureau of Corrections Officer-in-charge Gregorio Catapang Jr. ang iya plano nga i-separar ang mga persons deprived of liberty ukon PDL base sa sahi sang krimen nga ila nakomiter.
Suno kay Catapang nga kinahanglan nga mahalugan ang maximum security compound bangud mahimo lamang ini makaakomodar sang 6,000 ka PDL’s apang sa karon kapin sa 30,000 ka PDL ang yara diri.
Iya ginpahayag ngha mahimo ipabilin sa maximum security compound ang mga may kaso angut sa illegal nga druga samtang ang may mga kaso nga murder kag rape ang isaylo sa ginakay-o nga pasilidad sa Iwahig, Puerto Princesa; Sablayan, Occidental Mindoro kag sa Davao.
Dugang pa ni Catapang nga luyag man niya klaruhon ang kahulugan sang Heinous Crime karon nga nangin kasuguan na ang “Separate Facility or Heinous Crimes Inmates Act kon sa diin sa idalum sini, magatukod sang separado nga pasilidad para sa mga nakahimo sang makasiligni ukon heinous crimes.
