Ginpahayag sang Philippine National Police (PNP) nga dapat magkoordinar sa ila talatapan ang mga politiko nga maga-padalagan sa Barangay kag SK elections kun makabaton ang mga ini sang pamahog sa ila nga kabuhi.
Suno kay PNP spokesperson Col. Jean Fajardo, may duha ka mga opisyal sang barangay ang gintiro-patay sang tinalikdan nga semana.
Apang gin-athag man sini nga ang request para sa security assistance ang kinahanglan man ipa-idalum sa proseso.
Nadumduman nga ginpatay si Mario Delfin Tundag, punong barangay sang Manguiao, Asturias, Cebu kag Hadji Basit Zangkala, punong barangay sang Labo-Labo sa Datu Hoffer, Maguindanao del Sur.
Indi naman angot sa palaabuton nga eleksyon ang krimen suno kay Fajardo ilabi nga wala pa nag-umpisa ang election period.
