Ginahaylo sang mga Senador ang dugang nga mga public consultation tuhoy sa gina-propose sa House of Representatives nga “Maharlika Wealth Fund”.
Nahibaluan nga bilyon ka pesos sa kontribusyon gikan sa Social Security System (SSS) kag Government Service Insurance System (GSIS) members ang iga-invest sa proposed sovereign wealth fund.
Suno kay Senate Minority Leader Aquilino Pimentel III nga ang konsultasyon kag pagsiguro sang consent sa mga tag-iya sang pondo ang “the minimum [steps] that should be done,”.
Suno naman kay Sen. Nancy Binay nga nagalaum ang mga SSS kag GSIS members nga maka-rely sila sa ila mga contributions sa mag-retiro ang mga ini sa ila trabaho.
“Mahalagang malaman kung ano ang magiging epekto ng wealth fund sa perang ipinundar natin nang matagal, na isinantabi para makapamuhay pa rin tayo kahit wala nang trabaho,” suno kay Binay.
Ginpahayag naman ni Sen. Sonny Angara, chairman sang Senate finance committee nga “high risk, high reward endeavor” ang Maharlika fund kag dapat may yara sang safeguards and limitations sa investments sa riskier endeavors.
Suno naman kay Senate Majority Leader Joel Villanueva nga ang Maharlika fund ang dapat diskusyonan antes idulog sa final decision.
