ILOILO CITY- May nabilin nga 2,112 na lamang ka miyembro ang rebelde nga grupo sang New Peoples Army ukon NPA suno sa Armed Forces of the Philippines ukon AFP.
Ini ang ginpahayag ni AFP Chief Lt. General Bartolome Bacarro.
Suno kay Bacarro nga nagbuhin man ang mga armas sang mga rebelde nga yara na lamang sa kapin 1,800.
Ginhatagan pagtamod ni Bacarro nga ang militar nagatutok na karon sa aktibo nga guerilla fronts sa kapin 154 ka barangay sa pungsod.
Dugang pa ni Bacarro nga gikan sa kabug-usan nga 89 ka guerilla fronts sang 2018, may yara na lamang sang 24 karon ka grupo ang ginalagas sang AFP kon sa diin 19 sa nabilin nga grupo ang naghuyang na kag malapit na nga mabungkag.
Sang damlag lang, nagpirma sang resolusyon ang Davao Regional Peace and Order Council nga nagadeklarar sa bilog nga Davao region bilang insurgency ree.
Suno kay Bacarro nga ang masunod nga lugar nga igadeklarar nga hilway gikan sa insureksyon amo ang mga probinsya sang Sarangani, Sultan Kudarat kag South Cotabato.
