ILOILO CITY- Ginalantaw sang gobyerno nga magpatindug sang mid-rise ukon high-rise units imbes nga row houses para sa Philippine Housing rogram para sa indifgent families suno kay Presidente Ferdinand “Bongbong” Marcos Jr.
Sa iya pagpamulong-pulong sa awarding sang pila ka housing units sa National Housing Authority beneficiaries, ginpahayag ni Marcos nga kulang sang masobra 6.5 million ka mga balay ang Pilipinas.
Ang Department of Human Settlements an Urban Development ukon DHSUD ang ginamanduan nga siguruhon nga ang housing sites sang gobyerno ang nahamtang sa mga lugar nga may nagakaigo nga mga pasilidad kasubong sang eskuwelahan, simbahan, merkado kag iban pa.
Subongman, samtang gina-finalize pa ang vertical housing plan ni Marcos, nagapadayon karon sa pagpatindug sang kapin 30,000 units ka row houses ang gobyerno sa 13 ka nagkalain-lain nga rehiyon sa pungsod. Una nga gintalana sang gobyerno ang target nga isa ka milyon kaunitssang balay tagsa ka tuig ukon 6 million units sa sulod sang anum ka tuig
