ILOILO CITY — Posible maglab-ot sa Puerto Galera kag Batangas ang oil slick halin sa naglugdang nga motor tanker sa Oriental Mindoro suno sa educator gikan sa University of the Philippines Marine Science Institute (UP-MSI).
Gin-athag ni UP-MSI associate professor Dr. Irene Rodriguez nga sa ila pinaka-ulihi nga projections base sa water currents kag wind flow, naghinay ang Northeast Monsoon ukon Amihan kag padulong sa naaminhan sa Verde Island passage.
Ginkumpirmar ni Oriental Mindoro Governor Humerlito Dolor sang Biyernes nga ang oil spill gikan sa naglugdang nga MT Princess Empress ang nagdangat na sa Calapan City.
Suno naman sa Department of Tourism nga kapin 61 ka mga tourist sites ang apektado sang oil spill gikan sa MT Princess Empress nga naglugdang sang Pebrero 28 sa Naujan samtang karga sini ang kapin 800,000 liters sang industrial fuel.
