Ginarekomenda sang National Bureau of Investigation (NBI) ang pag-file sang kaso sa Justice Department batok sa 20 ka mga opisyal kag miyembro sang Tau Gamma Phi fraternity para sa pagbayolar sang Anti-Hazing Law sa diin ginkamatay ni Adamson student John Matthew Salilig.
Ginrekomenda ang tatlo ka miyembro nga mangin star witnesses agud nga makahatag sa impormasyon sa ginpatigayon nga imbestigayon lakip man ang 250 ka page sang screen grabs sa group chat sang fraternity.
Na-identify sang NBI ang fratmen nga na-imbolbar sa pagplano sang initiation, sa pagpaddle kay Salilig kag tanan ng ana-imbolbar sa pagsaylo sang bangkay sa bakante nga lote sa Cavite, sa diin ini ginlubong kag nasapwan.
Nagsurrender naman sa NBI ang lima ka persons of interest nga gindala man sa justice department lakip na si alias “Biggie,” nga ginpaathag nga gin-imbitar lang ini sa welcoming rites.
Nahibaluan nga sang Miyerkules, nakit-an sang government prosecutors nga may probable cause agud i-indict ang pito ka miyembro sang Tau Gamma Phi fraternity sang 2 counts sang hazing nga nangin tuna-an sa pagkamatay ni Salilig kag pagkapilas sang isa pa ka recruit.
