NCR kag 72 ka mga lugar magapabilin sa alert level 1 humalin Nobyembre 1 tubtub 15

ILOILO CITY- Gin-anunsyo sang Department of Health nga magapabilin sa Alert Level 1 humalin Nobyembre 1 tubtub 15 ang National Capital Region ukon NCR kag 72 ka iban pa nga mga lugar.

Sa statement, ginpahayag sang DOH nga gin-aprobahan ni Presidente Ferdinand “Bongbong” Marcos Jr. ang bag-o nga COVID-19 Alert Level System classification para sa mga probinsya, highly urbanized cities kag independent component cities.

Sa idalum sini, ginapahamtang sa Alert Level 1 ang bilog nga NCR kag 72 ka iban pa nga mga lugar sa pungsod kon sa diin diri sa Western Visayas nalakip ang Aklan, Capiz, Guimaras, Iloilo Province, Iloilo City kag Bacolod City.

Samtang nalakip naman sa Alert Level 2 ang Probinsya sang Antique kag Negros Occidental.