Monday, December 5, 2022

NDRRMC, nagsumiter na sang resolusyon kay PBBM nga nagaduso sang deklarasyon sang national state of calamity bangud sa Bagyo Paeng

- Advertisement -

ILOILO CITY- Nagsumiter na subong nga Domingo ang National Disaster Risk Reduction and Management Council ukon NDRRMC kay Presidente Ferdinand “Bongbong” Marcos Jr. sang resolusyon nga nagarekomendar nga ipaidalum sa state of calamity ang bilog nga pungsod bangud sa pagpanalasa sang Bagyo Paeng

Suno sa NDRRMC nga ginsumiter nila ang resolusyon kay PBBM sang Domingo sang aga.

Sang Sabado sa kasagsagan sang pagpanala ni Bagyo Paeng, ginmanduan ni Marcos ang NDRRMC nga magsumiter sang resolusyon nga nagarekomendar sa pagdeklarar sang national state of calamity sa sulod sang isa ka tuig.

- Advertisement -

Suno sa Presidente nga iya hulaton kag pagatun-an ang resolusyon sang NDRRMC.

Pinaagi sa deklarasyon sang state of calamity, mahimo magamit sang gobyerno ang dugang nga pondo para sa disaster relief kag magpatuman sang price freeze sa mga basic commodities.

Ginasuportahan naman ni House speaker Martin Romualdez ang rekomendasyon sang NDRRMC matapos makabaton sang report nga halos tanan nga rehiyon sa pungsod ang  naapektuhan sang pagpanalasa ni Paeng.

- Advertisement -

Base sa situational report sang NDRRMC, kapin sa 48 ka tawo ang napatay samtang halos isa ka milyon ang naapektuhan sang bagyo.

Ang nasambit nga bagyo ang nagtuga man sang masobra 54.9 million pesos nga kahalitan sa agrikultura sa Western Visayas kag Soccsksargen kag nagguba sang 714 ka mga pamalay sa nagkalain-lain nga mga rehiyon.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles