Nalauman sang inter-agency investigating team nga ma-release ang report sa nagluntad nga airspace shutdown sang New Year’s Day sa Pebrero 15.
Suno kay Transportation Secretary Jaime Bautista, nagpatukod sila sang investigating team nga ginbug-usan sang DICT, NBI, NICA kag DOTr kag ang deadline sang official findings ang dapat sa Pebrero 15.
Ini ang ginpahayag ni Bautista matapos ang inspeksyon kaupod ang mga senador sa Civil Aviation Authority of the Philippines’ Air Traffic Management Center.
Ginpangunahan ini ni Senator Grace Poe bilang kabahin sang Senate Committee on Public Services kaupod sanday Senate President Miguel Zubiri, Majority Leader Joel Villanueva, Senators JV Ejercito, Raffy Tulfo kag Risa Hontiveros.
Na-oberbahan ni Sen. Poe nga ang automatic voltage regulator (AVR) sa air traffic control system ang wala pa maislan humalin sang Agosto 2022 kag duha na ka tuig ang nagligad sang ginhimo ang proper maintenance sang equipment.
Nahibaluan nga naapektuhan ang ginatos ka mga flights kag linibo ka mga pasahero ang naapektuhan sang nagluntad ang air traffic management system outage sang Enero 1.
