ILOILO CITY — Naghalit na sa 47 kilometros sang coastal barangays ang oil spill gikan sa naglugdang nga motor tanker Princess Empress.
Suno kay Pola, Oriental Mindoro Mayor Jennifer Cruz, 11 ka barangay ukon 47 km na ang nalab-ot sang oil spill.
Dugang pa sini nga indi niya mabanta ang halit sa water area apang nagapati siya nga dako na ang halit bangud indi na makapangisda ang nga residente.
Suno pa sa alkalde nga kabug-usan nga 533 hektarya sang mangrove areas ang apektado man sang oil spill.
Kapin 4,800 ka pamilya ang apektado kag katunga sini ang mga mangingisda.
Kanselado naman ang tanan nga reservations sa mga resort.
Bangud sini, nagaplano ang local government unit (LGU) sang sustainable alternative livelihood sa mga apektado nga residente bangud posible nga maglawig sang pila ka tuig ang impact sang oil spill.
Pahayag pa ni Cruz nga may yara lamang sang P600,000 nga quick response fund ang pamunuan sang Pola.
Nagalaum naman ini nga makabulig ang tag-iya sang MT Princess Empress bangud nga wala pa ang mga ini nakasabat sa concerns sang LGU ilabi pa nga gina-alegar nga wala sang permit ang amu nga vessel agud nga makakuha sang insurance benefits.
Nahibaluan nga may yara nalang sang 10 ka adlaw ang tag-iya sang MT Princess Empress agud makasabat sa ila concern, bangud kun indi, mapasaka sang kaso ang LGU.
