ILOILO CITY — Naglab-ot na sa Calapan City ang oil spill gikan sa naglugdang nga MT Princess Empress suno kay Oriental Mindoro Governor Humerlito Dolor.
Suno sa gobernador, alas-9:58 kagab-i sang ila ginkumpirmar nga naglab-ot na sa kapin 500 meters ang oil spill sa shoreline.
Dugang pa sini nga consistent ini sa projection sang UP Marine Science Institute nga posible magdangat ang oil spill sa northern part sang Mindoro kun magpadayon sa paghina ang Amihan ukon Northeast Monsoon.
Nagpahamtang naman sang spill booms ang mga responders sa bahin sang suba agud malikawan nga ma-contaminate man ang freshwater.
Suno pa kay Dolor nga nag-apekto na sa palangabuhian sang mga residente ang oil spill.
Nagtanyag naman sila sang 45-day cash for work program sa mga apektado.
