“Oplan Isnabero” batok sa mga taxi drivers nga nagapili sang ila pasahero, liwat nga ginlunsyar sang LTFRB

Liwat nga ginpatuman sang Land Transportation Franchising and Regulatory Board ang “Oplan Isnabero” batok sa mga taxi drivers nga nagapili kag nagapangkontrata sang ila mga pasahero.

Ini kasunod sa pagdagsa na naman sang mga pasahero bangud sa holiday season.

Ginhatagan-pagtamud sang LTFRB nga sin-o man nga taxi drivers nga mapamatud-an nga nagapili sang pasahero ang pagamultahan sang ₱5,000 para sa first offense; ₱10,000 sa second offense; ₱15,000 naman sa third offense kag mahimo kuhaan sang lisensya.

Ginahaylo naman sang LTFRB ang publiko nga i-report gilayon sa ila talatapan ang mga isnabero kag nagapangkontrata nga taxi drivers kag mahimo magtawag sa hotline number nga 1341 kag QR codes nga nakapaskil sa mga pampubliko nga salakyan.