PAG-ASA, gindeklarar ang pagtapos na sang La Niña, mainit nga panahon ginalantaw pagkatapos sang Hunyo

ILOILO CITY- Gindeklarar sang PAG-ASA nga tapos na ang La Niña ukon ang maulanon kag mabugnaw nga panahon.

Sa ginpaguwa nga advisory sang PAG-ASA, ginpahayag sini nga apesar nga nagtakop na ang La Niña apang ang ginbilin sini nga epekto ang mahimo sa gihapon nga maka-impluwensya sa posible maulanon nga kondisyon sa masunod nga binulan nga ginalauman makatuga sang malala nga impact sa pila ka mga vulnerable nga mga lugar.

Samtang ang El Niño naman ang magatuga sang manubo nga tsansa sang pag-ulan nga makatuga naman sang malain nga epekto kaangay sang pagbagtik sang mga duta.

Samtang ginalantaw sang Pag-asa nga mahimo magahina ang northeast monsoon ukon amihan sa sini nga bulan samtang ang easterlies naman ang mangin dominante.