Pag-deklarar sang Pebrero 1 bilang National Hijab Day, gin-aprobahan sang Kamara

Gin-aprobahan sang House of Representatives ang hagna nga naga-deklarar sa Pebrero 1 bilang National Hijab Day.

Ang House Bill 5693 ang naaprobahan sa third kag final reading sa plenary session nga may 274 ka representatives nga nagboto sa affirmative. Wala naman sang may nag-object kag abstention.

Nahibaluan nga ang hagna ang gin-file ni Basilan Rep. Mujiv Hataman. Tinutuyo sini nga mahangpan sang mga Pilipino ang importansya sa pagsoksok sang hijab sang mga Muslims.

Samtang, ginahaylo man sang government institutions kag mga eskwelahan nga i-promote ang paghangop kun ngaa nagasoksok ang mga Muslim sang hijab.