ILOILO CITY- Ginpaisol sang PAG-IBIG Fund sa 2024 ang plano sini nga pataasan ang kontribusyon sang mga miyembro agud maghagan-hagan ang impact sang mataas nga presyo sang mga balaklon.
Ginkumpirmar ni PAG-IBIG Fund CEO Marilene Acosta nga ginsuspender tubtub sa 2024 ang plano nga P100 nga dugang sa kontribusyon sang mga miyembro.
Apang ginpahayag ni Acosta nga magapadayon sa masunod nga semana ang konsultasyon sa mga employers agud iplastar sa ila ang ginaplano nga saka sa kontribusyon sa 2024.
Una diri, ginsuspender sang Philhealth ang natalana nga pagpatuman sang saka sa kontribusyon subong nga tuig santu sa mandu ni Presidente Ferdinand Marcos Jr,
Samtang, kumpiyansa naman si Social Security System ukon SSS President kag CEO Michael Regino nga indi pagpunggan sang Malakanyang ang plano nga 1% nga saka sa kontribusyon subong nga tuig.
Suno sa iya nga ang saka sa kontribusyon para sa 2023 kag 2025 ang magapalawig sa actuarial life sang SSS fund tubtub sa 2054
