ILOILO CITY- Malipayon nga gin-anunsyo sang Pag-ibig Fund nga naglab-ot sa “record-high” nga P80 Billion ang ila savings sang nakaligad nga tuig samtang nagapadayon sa pag-uswag ang ekonomiya sa pihak sang COVID-19 pandemic.
Suno kay Jack Jacinto Jr., public afairs manager sang Pag-ibig fund nga nakapotse man sila sang record-high nga housing loans sang kapin P117.85 billion sang 2022.
Ginpahayag ni Jacinto nga ang Pag-ibig ang may yara sang dugang nga 1.4 million nga mga miyembvro sang nagligad nga tuig kabangdanan ang kabug-usan nga active members ang nagsaka sa 15.12 million.
Bisan ang mga miyembro sang MP2 program ang nagtaas man sa kapin 1 million gikan sa halos 600,000.
Ang MP2 savings program ang naglab-ot man sa 39.82 billion sang 2022 nga nagtaas sang 54% gikan sa daan nga record nga P25.95 Billion.
