Naga-pati ang isa ka infectious diseases expert nga tion na para i-reevalute ang pag-usar sang Dengvaxia kasunod sa pagsaka sang dengue cases sa pungsod Pilipinas.
Suno kay Dr. Rontgene Solante, ang pinaka-una nga bakuna para sa dengue sa kalibutan nga dengvaxia ang nausar na sa pila ka mga Asian countries kaangay sang Singapore, Thailand, Indonesia, kag Malaysia, magluwas sa pungsod Pilipinas nga amo ang may madamo nga numero sang kaso sa dengue.
Ginpahayag man ni Solante nga napamatud-an nga ang Dengvaxia ang makapatapna sang severe cases sang dengue kag hospitalization bangud sa dengue.
Nadumduman nga sadtong tuig 2016 sang nag-umpisa ang Pilipinas sang Dengvaxia vaccination program sa diin kapin 800,000 ka mga kabataan ang gin-immunize, apang madamo naman ang nagkalamatay.
Pila naman ka mga eksperto ang nagapati nga bangud sa nasambit nga bakuna ang kamatayon sang mga kabataan, apang gin-panginwala naman ini sang Department of Health kag ginpahayag nga wala sang pruweba nga bangud sa Dengvaxia ang fatalities.
