Sunday, December 4, 2022

Paghatag sang ayuda sa mga pilipino nga naga-antus sa krisis, magapadayon suno kay PBBM

- Advertisement -

ILOILO CITY- Sige-sige ang paghatag sang Marcos Administration sang ayuda sa mga Pilipino nga naga-antus sang krisis bangud sa padayon nga pagtaas sang presyo sang mga balaklon.

Ini ang ginpat-od ni Presidente Ferdinand “Bongbong” Marcos Jr. sa tunga sang distribusyon sang ayuda sang gobyerno sa mga benepisyaryo sa Talisay City, Negros Occidental.

Nagpanagtag si Marcos sang P5,000 tubtub 10,000 sa 100 ka benepisyaro sang Assistance to Individuals in Crisis Situation ukon AICS  nga programa sang DSWD.

- Advertisement -

Suno kay Marcos nga ginakilala niya nga madamo nga mga Pilipino ang tuman nga nabudlayan sa pangabuhi bangud sa mahal nga mga balaklon kag mga kinahanglanon bangud sa mataas nga presyo sang langis.

Ginsulit niya ang pangako nga unahon ang pagpataas sang produksyon sang pagkaon kag pagpanubo sang presyo sini bilang tiglikom sang Department of Agriculture.

Nagalaum siya nga magaabot ang panahon nga indi na magsalig pa ang mga Pilipino sa bulig halin sa gobyerno kag magasulhay na ang pangabuhi sang kada pamilya.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles