Pagnubo sang presyo sang kalamay, posible sa una nga quarter sang tuig 2023

Lauman nga maganubo ang presyo sang kalamay sa una nga quarter sang tuig 2023.

Suno kay Department of Trade and Industry (DTI) Undersecretary Ruth Castelo nga nag-abot na ang 150,000 metric tons sang kalamay sa pungsod nga gin-import sang gobyerno kag maga-umpisa naman ang harvest kag milling season sang mga local farmers.

Ginpahayag man sini nga may 20 na ka sugar miller associations ang nakabalik sang ila operasyon rason nga madasig na ang proseso sa pag-harvest sang kalamay.

Nahibaluan nga sa subong, ₱70 ang kada kilo sang kalamay sa mga merkado kag supermarkets.