ILOILO CITY- Ginpahayag sang Department of Justice nga pagakabigon sini nga pagpalagyo ang biyahe sa luwas sang pungsod ni Negros Oriental Congressman Arnolfo Teves Jr. kon magpamalibad gid ini nga magbalik sa Pilipinas.
Ginhimo ni Justice Secretary Jesus Crispin Remulla sang ginpamangkot ko nano ang himuon sang DOJ kon indi magbalik sa pungsod si Teves samtang gina-imbestigahan sang gobyerno ang pagpatay kay Negros Oriental Governor Roel Degamo.
Nahibaluan nga nagpamalibad si Teves nga magbalik sa Pilipinas bisan nag-expire na sang Marso 9 ang travel authority nga ginhatag sa iya sang Kamara bangud sa kahadluk sa iya seguridad.
Ini apesar man sang pasalig sang DOJ kag PNP nga hatagan ini sang protection.
Samtang ginpahayag ni Remulla nga nagapangita man ang DOJ sang iban nga ebedensya apesar nga ang mga pahayag nga nakuha sa imbestigasyon ang nagatudlo kay Teves.
