Mas ginpalawig pa ang long weekend matapos ang pag-obserba sang Holy Week sa bulan sang Abril bangud ginproklamar ni President Ferdinand Marcos Jr. ang pag-isol sang Araw ng Kagitingan sa Lunes, Abril 10 bilang non-working holiday.
Ini ang sandig sa Proclamation No. 90 nga gin-isyu sang Presidente sang Nobyembre 2022.
Nahibaluan nga sa Dominggo nga adlaw nakapetsa ang pagkomemorar sang Araw ng Kagitingan (April 9) sa diin regular holiday ini.
“To enable our countrymen to avail of the benefits of a longer weekend, Monday, 10 April 2023, in lieu of Sunday, 9 April 2023, may be declared as a non-working holiday, provided that the historical significance of Araw ng Kagitingan is maintained,” sandig sa Proclamation No. 90.
Samtang, regular holidays naman ang Maundy Thursday kag Good Friday sa Abril 6 kag 7.
