ILOILO CITY- May pagahimuon nga adjustments ang paghatag sang bag-o nga mga benepisyo nga natalana ipatuman subong nga tuig kasunod sang suspension sang pagpataas sang premium rates sang Philhealth.
Ginpahayag ni Philhealth spokesperson Rey Baleña nga ang suspension sang premium rate hike kag ang pagpataas sang income ceiling sa P90,000 ang indi maka-apekto sa ila operasyon.
Una diri, gin-anunsyo sang palasyo nga ginmandu ni Presidente Ferdinand “Bongbong” Marcos Jr. sa Philhealth nga suspendiron ang premium rate increase halin sa 4% pakadto sa 4.5% subong nga tuig kag subong man i-adjust ang income ceiling halin sa P80,000 padulong sa P90,000.
Ang natalana nga saka sa premium rate ang santu sa Universal Healthcare Law nga nagamandu nga pataasan ang Philhealth contribution rate tubtub maglab-ot sa 5% pag-abot sang 2024.
Kalakip sa mga bag-o nga benefit package nga ipatuman subong nga tuig amo ang severe acute malnutrition kag subong man ang outpatient mental health package.
Suno kay Baleña nga paga-rebyuhon sang Philhealth ang ila benefit plan para sa 2023 angut sa premium rate hike suspension agud hibaluon adjustments sa pagpatuman sang pila ka benefit packages.
