ILOILO CITY — Magabaton lamang sang sweldo nga P1 sa isa ka tuig si director Paul Soriano bilang presidential adviser for creative communications.
Ini ang ginpahayag mismo ni President Ferdinand Marcos Jr. sang ginpangunahan sini ang pagsumpa ni Soriano, nga hinablos ni first Lady Liza Araneta-Marcos.
Ginpasalamatan naman ni Soriano ang presidente sa pagkuha sa iya bilang adviser.
Nahibaluan nga ini ang sa likod sang mga campaign ads ni Marcos sang tinalikdan nga May 2022 elections.
Suno sa Malacañang, si Soriano ang maga-advise kay Marcos kag magabulig sa mga departamento kag ahensya, lakip na ang mga government-owned and controlled operations, nga makapamaayo sang ila nga information dissemination programs kag initiatives.
Nagtapos si Soriano sang iya nga advertising and marketing communications degree sa De Anza College sa California, United States.
Lakip sa mga nahimo sini nga pelikula amo ang “Siargao” (2017), kun sa diin siya nagdaog bilang Best Director kag nakakuha sang Best Film awards sa Metro Manila Film Festival, kag “A Lullaby to the Sorrowful Mystery” (2016), kun sa diin nakakuha siya sang Alfred Bauer Award for Best Film sa Berlinale International Film Festival.
