ILOILO CITY- Ginpangunahan ni Presidente Ferdinand “Bongbong” Marcos Jr. ang duha ka ground breaking ceremonies para sa pagpatindug sang masobra 20,000 ka housing units para sa mga pumuluyo sang Camarines Sur kaina sang aga sa Naga City.
Ang nasambit nga aktibdad ang kabahin sang Pambansang Pabahay para sa Pilipino program sang gobyerno.
Sa iya pagpamulong-pulong, ginpahayag ni Marcos nga ini nga programa ang proyekto sang iya administrasyon agud mahatagan sang komportable, maayo kag disente nga pangabuhi ang mga Pilipino.
Suno pa sa presidente nga handum sang tanan nga Pilipino nga makaangkon sang kaugalingon nga balay sa isa ka lugar kon sa diin makaumpisa sila sang panibag-o nga kabuhi.
Base sa plano, lima ka residential towers nga may 11,800 ka housing unites ang pagakatukuron sa anum ka ektarya nga duta sa Panganiban drive sa Naga city kon sa diin sa palibot sini ang patindugan sang apat ka commercial buildings.
