Sunday, December 4, 2022

PBBM magabiyahe sa luwas sa masunod nga semana agud magtambung sa ASEAN kag APEC meetings

- Advertisement -

ILOILO CITY- Mangin masako si Presidente Ferdinand “Bongbong” Marcos Jr. umpisa sa masunod nga semana para sa iya mga biyahe sa iban nga pungsod.

Una nga magatambung ang Presidente sa Association of Southeast Asian Nations ukon ASEAN Summit nga pagahiwaton sa Phnom Penh, Cambodia humalin Nob yembre 10-13 kon sa diin natalana siya nga magabiya sa pungsod sa Nobyembre 9.

Pagkatapos sini, magapadulong si Pangulong Marcos sa Bangkok, Thailand para sa Asia-Pacific Economiv Cooperation ukon APEC meetings nga hiwaton sa Nobyembre 14-19.

- Advertisement -

Ginpahayag ni DFA Assistant Secretary Daniel Espiritu nga ipaguwa sang Presidente sa Summit ang iya panan-awan sa seguridad sa pagkaon kag enerhiya, sa South China Sea, Climate change kag pagbangon sang ekonomiya pagkatapos sang pandemya.

Ginpahayag naman ni DFA spokesperson Ma. Teresita, kaupod ang Pilipinas sa 21-member countries sang APEC kabangdanan nga importante ang partisipasyon diri ni Pangulong Marcos.

Samtang, sa pagsulod naman sang Disyembre, liwat nga magalupad padulong sa Belgium ang Presidente agud magtambung sa ASEAN-European Union Commemorative summit kon sa diin ginalauman nga pagtalakayon ang isa ka trade deal sa tunga sang duha ka rehiyon.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles