PBBM, nagalaum nga mapanubo ang presyo sang bugas sa ₱20 kada kilo

Nagalaum si Presidente Ferdinand “Bongbong” Marcos Jr. nga mapanubo ang presyo sang bugas sa ₱20 kada kilo.

Ini ang ginpahayag sang Presidente kadungan sang ginlunsyar ang Kadiwa Ng Pangulo sa Pili, Camarines Sur.

Tinutuyo sang proyekto nga mahatagan ang mga mangunguma kag mangingisda lakip na ang micro, small, and medium enterprises (MSMEs) sang direkta nga market sa ila produkto.

Suno kay Marcos, ginalauman niya nga maganubo pa ang presyo sang kada kilo sang bugas sa diin yara na sa karon sa ₱25 kada kilo.

Nakahamtang sa karon ang masobra 500 ka Kadiwa stalls sa pungsod sa diin nabaligya sang ₱25 ang kada kilo sang bugas.